Po të mos kisha lindë, e vdekë

Po të mos kisha lindë 

me disa ide,
s’m’ish dashtë me humb kokën në ndjekje të fakteve 

që më thonë “po”,

as dëshpërimin s’do ta kisha njoftë,
kur gjejë veç pluhur mbi mobiliet e shtëpisë.

Po t’mos kisha lindë,
disa ide do t’kishin mbetë në ajr
bari i verës do ta humbiste ngjyrën
parase dikush të thoshte: “hej, shkunde atë flutur!”...

Po të mos vdisja,
jeta kish’ qenë veç nji sens humori i dobët.
E po të mos jetonin idetë,
pak rëndësi do t’kishte pasë –
a jam unë këtu,
apo ti...