Zer0

Ishim të vdekur para ca kohësh

që s’i mbajmë mend

të strukur në folenë e asgjëje

të mjerë ishim,

na njihnin për zero

e zeron s’e njihnim

Në të ardhur të zgjimit

të humbur ishim

e të humbur mbetëm edhe pas një zgjimi të vonë,

sa larg është zeroja

nga numrat

s’e ditëm

se’ zero ishte vetëm një jehonë e zbrazët

rrumbullake

e pashquar.

Në të aguar të ditës së mbramë

i thamë lamtumirë hutimit

kur kuptuam që të vdekur kishim pas qenë gjithmonë,

të jesh zero

është pikënisje që s’ndryshon,

sa e lehtë kish pas qenë

ta njihnim vetveten

prej fillimi.