“you look wonderful tonight”
Shumëherë, fjalitë e mia nisin si në jerm’
si fluska në ajër, që
ndoshta shajnë, ndoshta qeshin
kur dalin sikur
ndoshta - dielli ua zgjon gjumin në fraksione sekondash,
ku as unë as ato
s’dijnë se nga vijnë,
e veç thuhemi, siç
duhemi, në jermi…
Nganjëherë, fjalitë e
mia kryhen pa takt,
kur për një kohë të
gjatë s’takohem’ me veten,
më zihet fryma, nga
kotësia e përpjekjeve…
as me veten, as me ty,
s’më rrihet, nganjëherë…
E s’e kuptoj, se si,
shpeshherë, e gjej veten tek më pëlqejnë fjalitë e tua
mëgjithëse e di mirë
që po flet përqart edhe ti,
krejt çka thua më
bëhet këngë
edhe një buzëqeshje
vjen e m’ngjitet
pa qenë e thënë të
jetë me vend,
ky është vallëzimi im
me këngën tënde,
në çastet kur jetojmë
në dimensione t'tjera
pa e vërejtë…
Comments
Post a Comment